هذا أول طبق أتعلمته .. طريقتها سهله .. ولذيـــــذه .. وماتاخد وقت .. حتى ماتحتاج فرن !
المقاديــر:
*3 علب قشطه
*6ملاعق كاكاو بودره (علبتها لونها بني ومكتوب عليها كاكاو)
*6ملاعق نيدو
*أصباع زبده كامل (أصغر حجم)
*سكر حسب الرغبه
*2 علبه بسكوت شاي
الطريــقه:
سيحي الزبده وأدهني بيها الـصينيه.. وباقي الزبده أخلطيها مع كل المقادير في خلاط
أما البسكوت .. فكسري الحبه لأربعة قطع .. وحطيه بزبديه لحاله..
بعد مايمتزج خليط الشوكولاته أضيفيه على البسكوت وقلبيه بالملعقه إلين يتلخبطو كويس..
وبعدين حطي الخليط في الصينيه إللي دهنتيها بالزبده .. وحطي الصينيه بالثلاجه أو
الفريزر (لوكنتي مستعجله عالحلى) .. أهم شي يتبرد مو أقل من 3 ساعات..
وقـــت التقديــم:
حطي الصينيه في زبديه فيها مويه حاره .. ولما تبدأ يتفكك الحلا من جدران الصينيه أقلبي الحلا على صحن التقديم وخليــه شويه بالتلاجه وبعديــن قدميه .. وكلوه بالعافيه
أنا عارفه إنو المقادير تخوف .. ترا هذا الحلى شي خطير .. وإللي مو نحيف لاياخد
راحته مره ويعملها دايما ..
بس لما تعملوه كل أحد رح يسألكم عن المقاديــر ..
ــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صور خاارج الموضوع :- نقوا لي يعجبكم ..^_^
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
و......
وشكرا ... باكا ...
فدديتكم ..
:pig: :pig:
الأحد يونيو 29, 2008 12:03 pm
